政情：雷頌德教囝囝防猩紅熱
模特兒Janice Man文詠珊尋日出席活動，而原定有份出席嘅李治廷因扁桃腺發炎而缺席，由阿Mark雷頌德同衞蘭頂上。問阿Mark會否擔心囝囝感染猩紅熱？佢話：「都好難避免，冇得收埋個仔。都要正常生活，要畀佢返學。要教佢洗手同注意衞生，不過真係好激氣！佢成日周圍玩完就放隻手入口！次次話完都係咁！」
Janice亦透露病咗五日，食咗藥亦未見起色。問到佢被拍得同劉浩龍撐枱腳一事，佢即否認其事：「我哋嗰日食麻辣火鍋，有其他朋友喺一齊。我哋兩個坐正中間，如果有嘢都唔坐埋一齊啦！」
囝囝成日放隻手入口，搞到阿Mark（左）好激氣。