廠商會尋日捐贈一百萬元畀浸會大學，設立「內地交流獎學金」，資助學生到內地交流，會長黃友嘉、副會長顏吳餘英同楊志雄一齊將支票移交予浸大校長陳新滋。唔講唔知，原來黃友嘉未做廠商會會長前，曾經做過浸大客席教授，主講極大爭議嘅最低工資。
黃友嘉話為咗做個稱職教授，當時都預備咗好多講義，將自己喺商場嘅經驗同啲同學分享。咁會唔會再去浸大教書？佢話點都要等廠商會任期完咗先，因為仲有半年時間就落莊，依家要一心做好會長工作喎。
黃友嘉
