樓價高企，市民上車難，嗌到拆天要求政府復建居屋。曾任香港工程師學會會長嘅梁廣灝日前出席一個活動時話，對於中產階層置業困難，佢都好有同感，所以希望政府復建居屋幫助呢班夾心階層。不過，佢坦言政府依家做嘢比較「立」咗啲，搵得土地嚟，又要做環境評估，搞搞吓，睇怕都要靠下屆政府先至可以做到。
老實講，煲呔曾依家先至放風話復建居屋，等得佢喺十月施政報告拍板，起得嚟蚊都瞓喇，分分鐘畀梁廣灝講中。