SUN世代：夢想：一班人邊煮食邊玩音樂
閻韻的鋼琴事業成績斐然，曾奪得多項國際大獎，於世界各地如紐約林肯中心等舉行多場演奏會，又獲包括保羅．伯杜拿．斯高特及傅聰等多位殿堂級鋼琴大師讚賞。她擁有今天的成就，原來小時候曾作出不少犧牲。
獨女細個好寂寞
「我係獨女，細個好寂寞，所以好想參加一大班人一齊玩嘅活動！」閻韻興奮地表示，兒時十分渴望參加女童軍、芭蕾舞等集體活動，卻一直未能如願：「因為我要學琴，而呢啲集體活動又唔可以成日請假，所以我細個冇得參加，成日都係自己一個喺屋企練琴。」
現時閻韻長大了，仍然喜愛熱鬧，更萌生另一夢想！她綻出燦爛笑容說：「我好鍾意音樂、煮嘢食同運動，我願望係起一間Dream Club，可以喺個露天廣場玩唔同嘅樂器，又有地方煮嘢食，仲有個好大嘅草地做運動，總之可以成班人一齊玩！」