政情:葉劉遊滬狂掃旗袍

新民黨主席葉劉淑儀喺早前嘅復活節假期約埋朋友去上海玩咗四日,除咗食傳統上海菜外,吸引葉劉視線嘅係由台灣進駐上海嘅龍迪旗袍,佢話係無意間發現咗呢間舖,鍾意龍迪有好多唔同款式同刺繡嘅旗袍選擇,加上佢哋有大量現貨,只要度身後再稍作輕微修改即可帶走,非常方便。佢仲大讚啲旗袍平靚正,搞到平時買嘢好節制嘅佢,都瘋狂掃咗四件返香港。葉劉仲趁機行埋國際車展,佢似乎對林寶堅尼新跑車情有獨鍾,仲特別同Spyker跑車合照,但佢話名車太貴,只可遠觀而不可褻玩喎。

「Money18免費即秒股票報價網站」現推出8升級功能,財經資訊,實時實發!