政情：Mikki內地借上廁避煙酒

莫少聰同孫興喺北京因吸毒被捕極受關注。尋日名模Mikki姚予晴同有「翻版關之琳」之稱嘅Jocelyn為中藝擔任模特兒，被問到喺內地工作有冇曾受毒品引誘時，Mikki話：「我試過有人畀煙仔同一啲捲煙我試，對方冇話係乜，但覺怪怪啲，當然say no，我都唔食煙。」咁怕唔怕啲人話唔畀面？佢話唔會，又話：「我同對方講、我對煙同酒敏感，或者借尿遁。不過唔會因為咁而少去大陸工作。」

「Money18免費即秒股票報價網站」現推出8升級功能，財經資訊，實時實發！

Jocelyn示範名貴首飾。

Mikki戴住嘅係全場最貴、價值四億八千萬元嘅天然翡翠首飾。