政情:搞搞政:西九管理局搬竇爛地為鄰

依家西九文化區管理局設喺銅鑼灣加路連山道政府物業內,但喺下月三號正式搬到尖沙咀港威大廈嘅甲級寫字樓。呢個地點最特別之處,在於離現時西九文化區爛地只有咫尺之隔,加上新辦公室地點交通方便又夠旺,食肆同酒吧林立,相信班職員肯定開心到極。

管理局傳訊及推廣行政總監陳家耀話今次選定呢個新址,最主要原因都係交通夠方便,附近有港鐵之餘,離文化區亦好近,方便工作人員到時穿梭兩邊開會及工作。佢強調選址跟足程序,由專業人士負責顧問報告,加上要通過招標才可以落實地點,相信唔會惹起爭議喎!

搬得去甲級寫字樓,租金應該好乸脷?但陳家耀笑笑口話租金同租約係合約嘅保密內容,所以唔方便公開,但由於舊年已開始同業主商討,所以租金肯定低過市值租金,計落絕對冇蝕底。

「Money18免費即秒股票報價網站」現推出8升級功能,財經資訊,實時實發!