SUN世代：體諒信任 愛情長跑開花結果

一對戀人長期分隔兩地，聚少離多，甚少能開花結果，但Andy與太太卻能排除萬難，共諧連理！Andy與太太於中七時墮入愛河，後來他要遠赴外國繼續學業，在漫長的五年，兩人分隔兩地，一年才有機會相見一次，要維繫確有點難，但最後有情人終成眷屬，結束十一年的愛情長跑，步入教堂。

Andy熱心地分享維繫感情秘訣：「我去外國讀書，係為咗將來畀好嘅生活佢。我認定咗係佢，即使大家分開咁遠都唔會受誘惑！佢願意花青春時間等我，我一定唔會越軌，但如果佢行差踏錯，我都唔會怪佢，因為係我嘅責任。」

Andy更發表其浪漫愛情論：「其實任何一對男女都可以喺一齊，只要對方嘅外表或者某啲優點吸引到你，但呢啲只係鍾意。當你同某人一齊經歷過喜怒哀樂，原諒對方曾犯嘅錯，彼此熟悉，已經唔會捨得分開，呢啲就係愛！」