SUN世代：靠雙手打拚 太子爺樂做打雜

「靠自己」是單曉斌（Andy）一生堅守的信念。他不是一般的富二代，小學時已自己煮飯，初中時兼職派傳單、搬貨，中學畢業後隻身遠赴英國，到埗翌日即在餐館打工賺取生活費，試過一包薯仔捱足一個月。即使回到家業幫忙，這位太子爺亦拒絕任何職銜，事事親力親為，送貨搬運執倉一腳踢。要靠自己，不靠父蔭的他矢言：「希望我嘅成就唔係靠屋企，而係靠自己一手打拚返嚟！」

Andy走的人生路與一般富二代截然不同。小時候，父母全力為家族生意拚搏，沒有投放太多時間在他身上，小學四年級他已自己煮飯。升讀中學，他專注於當時認為「比讀書更具挑選性嘅事」：在學校自組籃球隊，率領學生操練、擔任學生健康大使九龍區主席，更兼職派傳單、搬貨，忙得不可開交！

「一包薯仔食足一個月」

全情投入「兼職」，沒盡力讀書，高考成績欠佳，致無法考入本港大學，現時回望過去的輕狂歲月，Andy未有後悔：「條路行得對與錯，係睇最終可唔可以邁向成功。雖然我行嘅路係迂迴咗，但當年接觸不同層面所學到嘅經驗，喺邊度都攞唔到，一生受用！」當時他找遍世界各地的大學面試，最後獲英國一所學校取錄。兩個星期後毅然獨自遠赴英國，開展一段畢生難忘的驚險旅程。Andy憶述：「嗰時咩都冇準備，淨係帶住二百英鎊同兩袋行李就出發，到咗搭車去Nottingham已經用咗六十英鎊，但我連住嘅地方都未有！」

隻身在異鄉，人生路不熟，天色漸暗，連一個落腳地仍未找到，當時年紀輕輕的Andy難免徬徨，「好彩最後搵到個中國人有屋租，但月租一百三十英鎊，仲要落一個月訂，我全身得番一百四十英鎊，就問佢可唔可以兩個星期後畀錢，好彩佢一口應承！」覓得住所後，他頓感飢腸轆轆，用了三英鎊買了一包薯仔，「煎炒煮炸燘燉焗咩都試過，食咗一個月。」

親力親為終成「皮草博士」

在買薯仔的途中，他看見一間中國餐館，立即衝進去，別以為他肚子餓想大快朵頤？原來他是想找兼職，更要求即時上班。於是，他在英國的第二日就開始打工，「煎蘿蔔糕、推車仔、拉腸粉、炒飯，咩都做」，因此他的薪金比別人高，一星期掙得二百多英鎊生活費，不需父母寄錢接濟。

大學畢業後，Andy回港協助打理家族的皮草生意，七年來只任一名無職銜的員工，事事親力親為，「我係打雜、送貨、搬皮、執倉、設計等所有崗位都做，同其他員工一樣出糧。」原是皮草門外漢的他，為了解家業，努力學習皮草的歷史、用料、製造過程等知識，現時已榮升「皮草博士」。

但Andy最感滿足的，是員工對其認同：「初初全部員工都覺得我係太子爺，但慢慢佢哋見到我做嘅嘢，開始叫我做Andy，令我覺得佢哋肯定我付出嘅努力！」Andy稱今後會繼續靠一雙手打拚，開拓自己的成功路。

Andy's Profile

年齡：33歲　　　　　婚姻狀況：已婚

學歷：英國University of Nottingham工程學士

公職：香港中華出入口商會會董及青年部副主任、香港青年聯會會員、香港深圳社團總會會董、浙江省同鄉會聯合會青年委員會副秘書長、香港毛皮業協會青委會委員、桂港青年交流促進會副秘書長