SUN世代：愛紅酒古董錶領悟人生哲學
藝術家對生活品味的追求極高，Anita也不例外。原來她是紅酒和古董錶愛好者，兩者也反映了她的價值觀。「紅酒其實好有個性，一桶紅酒釀出嚟，裝入幾十個樽，每支酒都有生命，無任何兩支酒嘅味道係一樣，飲落都有驚喜，咁就代表人生，每日都係唔同，人生要精彩，要有驚喜。」事業經歷跌宕，她往往提醒自己：「聽日係新嘅一日。」
她將古董錶比喻作「時間」，「古董錶有歷史背景，歷史好悠久，每隻都係藝術品。」她坦認家裏已收藏大量珍品，要用櫃子存放。如何面對時間，尤其是艱難的時刻，Anita亦有自己的一套哲學：「沙士時候，每個人都唔開心，好難過，其實人好似坐喺小舟，有開始就有結束，just let it flow（隨緣吧）。」
鄧鳳賢（右）與女童軍總會香港總監邊陳之娟（中）合照。
Anita曾奪○八年大中華傑出設計大獎。（受訪者提供）