棄幕前從商嘅王賢誌加入成為東華三院總理，尋日佢出席東華三院董事局就職典禮時話：「今次第一次做總理，其實爸爸（王忠桐）喺二○○○年做東華主席，因為佢嘅關係，我好多年前已不斷接觸東華，我喺九四年已幫東華做司儀，今晚嘅晚宴都會做，我應該係第一個總理做埋司儀。」
咁係咪完全放棄幕前？王賢誌話暫時唔會做，事關好忙，但就會叫朋友支持東華嘅活動，例如叫埋圈內嘅藝人一齊賣旗。
王賢誌做東華三院總理，爸媽一齊出嚟撐場。
