政情：搞搞政：維園阿哥玩低調 棄守城市論壇

喺維園「城市論壇」被炒紅嘅「維園阿哥」任亮憲，即時畀社民連招攬入黨，雖然缺乏黨支持，佢未能代表泛民出選舊年底嘅南區區議會補選，但佢就向傳媒放風有意挑戰今年區選，仲話對九龍西、亦即社民連前創會主席黃毓民嘅選區特別感興趣。

昔日佢曾畀黨友揶揄「沒有鏡頭，哪會蒲頭」，但喺舊年尾捲入強姦及非禮案後，人氣已大不如前，亦鮮有露面，只係偶爾出席人民力量嘅公開活動。日前佢出席該黨起動大會，被記者問及其參選意向時，雖然表明自己尚未決定，但卻坦言傾向做後台工作多啲，仲話人人有唔同角色，同佢昔日嘅論調、態度大相逕庭。佢仲自爆會努力做好助選工作，特別係幫佢好友「滷味男」錢偉洛手狙擊民協。

維園阿哥棄守發迹地「城市論壇」，唔少人都想知佢幾時回歸，但佢似乎對「城市論壇」唔係太眷戀，只係話有新氣象係好事，適當時自然會返去。