政情：葉梁美蘭打本囡囡行善
政界名人紛為日本災情出力，名媛葉梁美蘭都唔例外，佢尋晚出席公開活動時話已捐款到紅十字會支持日本救災活動，又話：「四月十六號有個芭蕾舞ball，本來有一枱日本人嚟，不過依家嚟唔到，佢哋想幫咗自己國家嘅災民先。我喺東京嘅朋友全部冇事，Peach John嘅老闆係我朋友，佢係仙台人，依家喺日本全力救災。見到佢哋好齊心，民族性好強，令我好感動，畀咗我好大反思。」
她又話將來有興趣參與更多慈善工作，又指自己藉此教導囡囡要有愛心同關心社會，仲話：「我哋成立咗Yeh Foundation，畀兩個小朋友做主持，一個係我個女，一個係姑仔個女。我哋每年會有一筆錢，畀佢哋決定捐畀邊個慈善機構，要佢哋交proposal，畀佢哋一個學習機會，仲要佢哋帶人去approve。」
葉梁美蘭話已捐款到紅十字會支持日本救災活動。