政情:陳國威代新地領三獎

尋日喺一個頒獎禮撞到新鴻基地產財務總監陳國威,佢代表公司攞三個獎,包括最佳財務總監、投資者關係同環保責任三項大獎。

今次係亞洲企業管治專業雜誌《Corporate Governance Asia》 舉辦嘅第一屆亞洲卓越表揚大獎,目的係表揚公營機構、私營機構同非牟利機構喺投資者關係、社會企業責任、商業操守、環保責任同財務表現方面嘅成就,而調查範圍涵蓋亞洲地區多個國家同城市,包括中國內地、香港、新加坡、菲律賓、台灣、泰國同馬來西亞,所以部分得獎者係嚟自其他地區。

喺首屆亞洲卓越表揚大獎中,共有四間香港公司榮獲最佳財務總監獎項,新地係其中之一。睇番個得獎名單,和黃、信和同思捷都攞到呢個獎項。

「Money18免費即秒股票報價網站」現推出8升級功能,財經資訊,實時實發!

新鴻基地產財務總監陳國威(右)代表公司攞最佳財務總監、投資者關係同環保責任三項大獎。