政情:政府自閉港難逃邊緣化

立法會尋日通過動議,促請特區政府抓緊國家十二五規劃帶嚟嘅機遇,多名議員狂插政府做得唔好。身為富貴黨主席嘅劉健儀批評政府過往對參與國家發展優柔寡斷、議而不決,政府發展六大產業又只聞樓梯響,錯失大量機會,若再唔改變被動嘅孤島心態,勢難同周邊地區競爭。佢仲要求政府加緊發展高增值服務業同鼓勵科研,並要向中央反映內地省市「大門開了,小門未開」嘅問題。

畀啲議員狂插,答辯嘅政制及內地事務局局長林公公梗係好冇癮,除咗反駁香港被規劃嘅質疑之外,跟住佢都係發揮佢人肉錄音機嘅本色,重複啲標準答案。例如十二五規劃今次首度將香港部分獨立成章,提出要鞏固同提升香港嘅國際金融、貿易同航運中心地位,增強金融中心嘅全球影響力,支持香港培育新興產業同新的經濟增長點,進一步深化中港合作等。

「Money18免費即秒股票報價網站」現推出8升級功能,財經資訊,實時實發!