良心僱主：飯鐘都計較唔係人話

【本報訊】勞動有價！正當近日不少僱主為減輕因落實最低工資而導致的額外支出，出招扣減員工的飯鐘及休息日薪金之時，本港也不乏良心僱主願意為打工仔的勞力付出，堅持最低工資實施後繼續給予員工有薪飯鐘和休息日，有僱主坦言：「一個員工同你做十個八個鐘，畀佢食吓飯、休吓息都計較，呢啲唔係人講嘅說話。」

經營咖啡室三年多的鄭德烈聘有十名員工，月薪平均八千至一萬六千元，當中只有一名初級侍應月薪七千五百元，平均時薪會低於最低工資要求的二十八元時薪。鄭指條例實施後，該名侍應的月薪會上調至八千四百多元，但不因此而扣減其飯鐘及休息日的薪金。他直言，「賺唔係要賺到盡，錢係賺唔晒嘅，好應該履行企業社會責任。」

鄭認為香港僱主聯會早前刊登廣告，向僱主建議飯鐘及休息日不作受薪處理，會帶來不良影響。他強調，員工是公司無形資產，給予他們應有的福利「員工士氣好啲，可保持品質及水準，啲客畀貼士都多啲，得益嘅係僱主。」