政情：周汶錡戒網上亂購物
網購成行成市，騙案亦相繼增加，名模周汶錡（Kathy）話自己都有上網購物嘅習慣：「夜晚得閒就上網買，買完先後悔，真係要控制。」講到購買欲，Kathy仲話：「細個乜衫都想試就狂買，買完覺得唔啱又買過，依家識諗，其實十年前買咗啲衫放埋一邊，攞番出嚟着都啱，可以慳番錢。」
政府向市民派發六千元，識諗識慳嘅Kathy打算點用呢？佢話會捐出嚟：「我都有捐錢去雲南，希望唔好咁多天災，盡快解決問題。仲有我希望啲人唔好再發放短訊引起恐慌，鹽就係一個好教訓，人哋都唔恐慌，我哋就太緊張！」
