政情：海歸才俊齊話愛香港
內地精英近年喺本港各行各業領風騷，唔少內地才俊嘅成長路徑都好一致，內地成長、海外求學，再回流香港發展事業。尋日佢哋中嘅有心人走埋一齊，搞咗個「香港華菁會」，主席方方係摩根大通證券投資銀行亞太區副主席，名譽主席係鋼琴家郎朗。會場中有兩個靚女，分別係副主席董吉吉同副秘書長何思銳，佢哋都話喺香港居住多年，好愛呢個家。
呢批才俊裏面，仲有內地稱為高幹子女嘅實力派，譬如貴州省委書記栗戰書嘅女兒栗潛心，佢係中信資本副總裁；另一個大家就熟口熟面，佢就係港澳辦前副主任陳佐洱囡囡、海洋公園保育基金會主席陳晴嘞。
香港華菁會副主席董吉吉（左）同副秘書長何思銳喺香港居住多年，異口同聲話好愛呢個家。
郎朗係華菁會嘅名譽主席。