政情:長毛收起欖球唔掟高官

社民連嘅立法會議員「長毛」梁國雄成日喺議會搞創意示威,道具更多籮籮。尋日立法會舉行特別財委會,長毛一手拎咗個疑似欖球出嚟,大家都以為呢個都係佢掟高官嘅道具,點知長毛並冇行動,冇耐仲收埋個欖球添,原來呢個欖球係佢送畀契女嘅禮物。

長毛喺會上發言時,一輪嘴猛鬧政府,講講吓,忽然攞咗個欖球出嚟,只見佢揮兩揮,大家仲以為佢攞嚟掟高官,點知長毛並冇行動。之後問佢收手係咪同政務司司長唐唐去信立法會主席投訴、甚至驚議事規則再度收緊有關?長毛擰晒頭,笑笑口話「唔關事」,今次真係想留番個欖球畀契女,跟住仲喺立法會走廊玩欖球。

七人欖球賽已經成為香港嘅盛事,吸引唔少遊客同港人,估唔到長毛嘅契女都咁鍾意,啲高官真係要多謝長毛契女喇。

Money18 新功能「18好路數」為你預測心水股票升跌機會率。

長毛玩緊嘅欖球唔係示威道具,而係畀契女嘅禮物。