拒答問題發晦氣寸議員

【本報訊】曾俊華月初向民意「跪低」，宣布派錢六千元後，延至昨日才首次向立法會交代，但他全程恍如「人肉錄音機」，態度亦「寸到盡」，多次反窒批評他的議員，當議員要求多留一會解答問題時，曾俊華更以發晦氣的口脗高呼：「我仲有嘢要做，我未食飯！」

曾俊華昨日回應議員提問時態度極為輕率及不耐煩，對表明反對預算案的泛民成員更是「寸到盡」。民協馮檢基批評曾俊華短視，該黨就預算案提出十二項長遠建議，竟一項都無被接納，曾俊華即時還擊：「你提嘅建議未必係最有代表性！」

「我有嘢做未食飯！」

對於絕大部分議員都集中質問派錢問題，曾俊華顯得極度不耐煩：「修改嘅只佔（預算案其中）兩段，仲有一百九十幾段喺度，有好多嘢值得你哋討論。」對於完會時被要求多留一會，曾俊華竟發晦氣說：「我仲有嘢要做，我未食飯！」他最後只多留了十來分鐘。民主黨黃成智批評曾俊華「看守政府上身」，只想夠票通過預算案就「等收工」，促曾自動請辭，以免影響香港前途。