曾被台灣旺旺集團董事長蔡衍明斥罵「吃人夠夠」嘅亞視股東查懋聲，雖然仲未解決亞視股權爭拗，但件事無損佢胃口。早前見佢喺中環ifc商場一支公閒逛，嗰日天氣涼涼哋，佢着樽領衫外加多件中褸再搭多條頸巾。
唔知佢係貪過癮，定係嫌唔夠凍，居然走去買冰凍嘅乳酪，跟住又走過對面嘅超市買麵包。買完乳酪買麵包，仲要邊行邊食，一臉陶醉個樣似足小朋友。估唔到查生被人鬧完「吃人夠夠」，仲要一支公吃乳酪夠夠、吃麵包夠夠，莫非佢好肚餓？
揸住袋麵包食乳酪，查懋聲真係咁好胃口？
