SUN世代：金公主首創坐巴士睇電視

跳入巴士企業二十年，伍穎梅猶如一輛能源無限的巴士，長年行駛，絕不停站。多年來，她膽大心細為公司改革，如將巴士由紅變金，好評如潮，更屢創高峰，首創巴士電視RoadShow（路訊通），引得全球各國爭相取經。不過黃金事業的代價是千斤壓力，她近年終於醒來，學懂體會生活情趣：「橡筋拉得太行會斷，我經歷多咗，依家學識咀嚼每分每秒！」

十多年前，香港馬路多了高貴的金色巴士，巴士上更加裝娛樂性豐富的電視，這些扭轉巴士行業生態的重要項目，都是「九巴金公主」伍穎梅（Winnie）的傑作。她來頭不小，出生於九巴的大家族，父親是九巴創辦人之一伍兆燦，她第一份工也順理成章加入九巴。不過，原來此非她所願。

巴士紅變金成功搶客

Winnie自小就有偉大理想，就是救治世間的動物，「我讀理科，我想做獸醫，不過我知道爸爸想我入公司做會計，所以我當時聽佢話讀咗經濟先，然後先至讀獸醫課程。不過，估都估唔到我竟然對動物敏感！試過有次抖唔到氣，要入醫院急救！」理想幻滅，Winnie最終加入九巴，但不是做董事，而是派往接投訴電話。日日捱罵，她毫不厭惡，表現得敬業樂業：「乘客等唔到車會投訴、有時交通擠塞都鬧，我日日畀客鬧。」不過，這段日子卻令她學會聆聽的需要。

檢討問題，積極改革，是Winnie的工作態度。第一項改革就是「金色變革」，她說：「老牌巴士公司乘客開始老化，好多後生仔鍾意搭鐵路，要吸引客源，就要改變公司形象，我決定換新車時，一律將車由紅色髹成金色，閃令令咁，反應好好。」

同時間，她有日靈機一觸，有意在巴士加裝電視，娛樂大眾，即今日的RoadShow。這個天馬行空的想法乃全球首創，開創時困難重重：「概念唔係咁多人明白，想搵投資銀行投資，但行咗好多間都無人肯合作，最終好彩有一間認同，仲成功上市，仲有好多國家巴士公司嚟取經，例如新加坡、英國倫敦、南美國家等！」

退居後線放鬆享人生

不過，RoadShow的成功背後，Winnie承受極大壓力：「我好緊張外界反應，每日都瞓得唔好，朝九晚十二返工，發夢都發到返工，聽到有人投訴聲浪，又要急急諗點樣改善，壓力真係超大！」說到工作壓力，原來這份工更令她忘卻生活情趣：「好似飲咖啡咁，我唔識歎；人哋講笑，我唔識笑。以前去聚會遲到早走，連去旅行都掛住工作，試過去倫敦，喺地鐵站入面竟然唔係體驗環境，而去不斷拎單張，諗住參考吓人哋點做！」

不過，Winnie現已懂得放鬆，學習欣賞生活之美：「企業工作上咗軌道，以前喺前線衝，依家退居後線，因為人生要進入唔同階段。我依家多咗參與社區活動，譬如加入政策研究嘅智經研究中心，主動了解年輕人。」此外，她撥出更多時間去減壓，如勤做運動、尋找美食及品嘗美酒等，學習以最輕鬆的心情，欣賞人生。

Winnie Ng's Profile

職　　銜：九龍巴士有限公司董事、路訊通控股有限公司創辦人及副主席

公　　職：智經研究中心理事、香港旅遊發展局成員、義務（部分） 工作發展局董事、平等機會委員會委員、香港明天會更好基金董事局成員

個人榮譽：華人企業家大獎（2003年）、中國百名傑出女企業家（2006年）

文：李嘉行　攝：葉華英