尋日最低工資委員會開首次會議，獲委任嘅商界代表敍福樓集團執行董事Simon黃傑龍，日後肯定忙上加忙。早前見佢喺旗下日式燒肉餐廳「牛角」食晏，在座仲有香港菁英會常務副主席洪為民同扒王之王老細李德麟嘅囝囝李浩森。
難得聚首，Simon推介鹽醬牛舌、上級牛肋肉等，肉質鮮美冇得彈，仲有日本超人氣嘅辣油豆腐，而麻香椰菜沙律係佢極力推介嘅必食之選。佢仲即席示範燒肉嘅秘訣，要一次過燒至七成熟至反轉，唔好成日反轉塊肉，咁就可以鎖住肉汁。
洪為民（左）帶埋李浩森（右）嚟牛角幫襯，黃傑龍（中）親自招呼。
網燒牛舌同上級牛肋肉，口感一流。
據聞辣油豆腐嘅辣油有減肥功效。
