SUN世代：新任媽媽enjoy湊仔
陳嘉賢去年誕下小寶寶，兒子現已八個月大。她經常周圍飛，但只要不用工作，必將時間留給兒子。她甜蜜地道：「我一放工就返屋企睇住BB，好enjoy（享受）湊仔！」她與丈夫在美國邂逅，後來丈夫也加入德國寶，專責品牌設計，「以前放咗工都會傾公事，依家有咗小生命，大家畀好多focus（焦點）喺BB身上，唔使淨係掛住傾工作咁悶啦！」她哈哈笑說。
德國寶是香港名牌，為何與德國扯上關係呢？Karen道出原因：「父親係個好反傳統嘅人，當年香港廠商只流行代理外國品牌，或者幫外國品牌做生產，父親就掉番轉，自己創立一個品牌，再喺德國搵廠做。德國製造代表優質，係信心保證。」她佩服父親有遠見、有魄力，「佢係一個好嚴謹、事事親力親為、永不言休嘅人！」