每個人嘅品味都唔同，好似身家數以千億元計嘅新地副主席兼執行董事郭炳江嘅品味都好獨特㗎！前日喺一個攝影展見到郭二少，見佢左手戴住一隻黑色膠錶，睇真啲，原來係Timex「鐵人系列（Ironman）」電子錶。雖然係幾百蚊隻嘅電子膠錶，戴得舒服咪得囉！
隻錶有基本嘅Indiglo夜光顯示，百米防水，成隻錶以黑色為主，襯些少橙色，外觀實而不華。其實Timex有百年歷史，係全美最暢銷嘅運動休閒手錶牌子，好多明星名人都係粉絲。
喺攝影展上，見到郭炳江戴住隻Timex電子膠錶。
功能齊備嘅Timex設計簡潔。
