立法會金融服務界議員詹培忠嘅花名叫「金勞詹」，就係因為佢鍾意以金色勞斯萊斯代步，但最近佢嫌架名車未夠舒適，兩個月前「另結新歡」，購入一部全港獨有嘅日本豐田金色七人車。佢指定豪裝內櫳，包括將七人座位改裝成四人座位，又將後座變身超豪按摩椅，座椅旁邊加裝頭枕燈，方便睇文件；就連最細微嘅迷你雪櫃都有，置身其中，簡直係皇帝式享受！改得咁豪，車價要幾多？佢保持神秘話：「總之好貴。」
金勞詹部「金七車」寬敞舒適，暫時係全港獨有。
車廂內仲設有迷你雪櫃。
