日前喺中環撞到全國政協委員Samuel容永祺，講起佢早前去日本，本來諗住坐一百分鐘子彈火車去拜訪駐新潟縣嘅中國總領事，點知抵達火車站時，撞正嚴重列車事故，往東北線列車全線癱瘓，佢喺火車站呆等一粒鐘，都係冇着落，旅程最後被迫告吹。
返到酒店後，Samuel突然接到友人來電，話喺日本電視新聞見到佢。打開電視一睇，原來佢同太太變咗新聞人物，事關兩公婆被困火車站嘅無奈表情，全部上晒電視，令佢哭笑不得。
容永祺遊日本遇上列車線癱瘓，無端端成為新聞人物。 （容永祺提供）
