為咗幫建仔籌款，副主席阿Ann蔣麗芸以友情價包咗《愛上鄧麗君》音樂劇尋晚嘅首映禮，反應熱烈。
同有份贊助音樂劇嘅太子珠寶鐘錶主席鄧鉅明同執董朱繼陶傾開，佢哋話會喺香格里拉酒店開P慶祝公司廿六周年紀念，順道同員工一齊倒數，歡度除夕夜。
鄧鉅明（右）同朱繼陶夫婦（左及中）全力支持《愛上鄧麗君》音樂劇。
蔣麗芸（左）同黨嘅區議員葛珮帆講乜嘢咁開心呢？莫非今次籌款超額完成？
