早前喺青年工業家協會就職晚宴撞到莊士集團太子爺莊家彬，當晚佢同金利來集團副主席曾智明、菁英會常務副主席洪為民合照時，就拜託記者影側啲。點解？佢話打算遲啲去日本滑雪，但屋企啲滑雪裝備已用咗逾十年，於是重新購置過啲新裝備，點知喺試眼罩期間，唔小心畀眼罩掛住嘅廣告紙牌刮損右邊面。睇真啲，真係紅咗一笪喎！
莊家彬（右）嘅右邊臉龐明顯有笪被刮損嘅紅色傷痕。同場仲有曾智明（左）同洪為民（中）。
