立法會教育界議員張文光啱啱去完台北三日遊，主力去掃書同食盡台灣小食，但本身係足球狂熱分子兼曼聯長期粉絲嘅佢，身在台灣心繫英超，返到酒店都唔瞓捱夜睇波，見到曼聯贏新特蘭二比○，興奮過去任何景點。
台灣近日搞緊花博展覽，但張文冇乜興趣，見咁啱經過就去行咗個圈。講開香港展區入面有用花砌成嘅尖沙咀鐘樓同海洋公園海豚，張文話全部唔算有特色，唔知張文返港後會唔會追究番港府喺花博使咗幾多錢，到底係咪符合衡工量值原則呢？
張文話行花博冇乜驚喜，但啲海豚姿態尚算生動。 （張文光提供圖片）
