遺孀盼被告真心改過

【本報訊】「志成點都好唔會再返嚟，希望事件可對駕駛者作一個教訓，應珍惜及尊重自己同別人生命。」丈夫於去年平安夜被醉駕司機奪去寶貴生命，肇事司機昨被法庭判監四年，諸志成遺孀劉惠賢坦言並無特別大感受，她認為最重要是當事人真心改過，否則刑期多長也沒意義，但對於法庭僅判被告停牌五年，諸太直言太短。

諸太昨得悉判決後平靜地稱，相信法官是經詳細考慮作判決，她尊重法庭裁決：「（判刑）都有幾年時間，應已畀咗足夠時間佢（被告）去反思。最緊要係態度問題，真係會改過，如果唔改，無論坐幾耐，出番嚟都會做啲唔啱嘅嘢。」她語重心長說：「最重要係做呢件事嘅人自己知道真係做錯咗。」

停牌判罰「可以耐啲」

但對停牌的判罰，諸太坦言「可以耐啲」，因被告曾有棄保潛逃紀錄，質疑他是否有心改過，為大眾安全着想，應被判更長的停牌時間。

諸太仍記掛亡夫，她形容去年平安夜是個噩夢，令人難以接受，這一年心情都起起伏伏，幸母子三人互相支持。「這一年來我們努力繼續日常的生活，有啲嘢係冇得忘記，不過最重要係與兒子三人互相支持。」她會將法庭的判決簡單告知兒子，兒子亦相信做錯事就要受罰。她現時最擔心兒子的學業，希望兒子知道自己方向，而早前教協提供的經濟資助，會用作兒子的教育基金。

校方設獎延諸Sir精神

諸志成生前任教的寧波第二中學副校長黃景鴻昨到庭旁聽，對於被告的刑期，黃坦言：「（即使）判終身，都會有人再犯，所以判幾多都唔夠！」但校方會以是次慘劇作教材，教育同學生命寶貴，做人須守法規。黃透露，學校已設立「諸志成傑出服務公民獎」，以延續諸Sir好人好事精神，經面試篩選後，已選出首屆五位得獎同學。