Sun追擊：木蝨侵宅求助房署反遭警告扔傢俬
Sun追擊：木蝨侵宅求助房署反遭警告扔傢俬
一封追數信，除揭開管理公司無理外，事件背後還揭露一段房屋署見死不救的悲慘故事。譚女士與父母及妹妹，一家四口住在黃大仙公屋近三十年，詎料今年七月寓所被木蝨入侵，「都唔知邊度嚟，用咗五千幾蚊請滅蟲公司，每星期嚟整一次，整足一個月，仲有好多木蝨！」譚女士只好向房屋署求助。
「點知房屋署叫管理公司嚟睇一睇之後，無幫我哋不單止，仲出咗封警告信，要我哋扔晒啲雜物，唔係就扣分。管理公司啲職員仲叫我哋最好扔晒啲木傢俬！」譚女士無奈說。
被迫扔光全屋傢俬，譚女士一家惟有暫住親戚家：「依家空屋一間，三十年心血就咁白費！我六十幾歲嘅阿媽日日都喊，仲因為咁中咗風，唔係好行得。阿爸都七十九歲，成日擔心阿媽會有事，未見佢笑過！」譚女士希望調遷至其他公屋，重覓安樂窩。