政情：陳智遠陪梁卓偉買茶？
政情：陳智遠陪梁卓偉買茶？
食物及衞生局規管骨灰龕場同推行醫療保險計劃，搞到一鑊泡，局內官員真係有氣冇碇抖。前日下晝五點幾，喺人來人往嘅中環ifc行人天橋上，竟然見到食衞局副局長梁卓偉（Gabriel）同政治助理陳智遠（Paul）急步行過（圖）。
佢哋沿天橋經過太子大廈、渣打銀行總行同炮台里返政府總部，期間兩人冇乜笑容，亦冇乜交流。問Gabriel咁急去邊，點知佢唔瞅唔睬，表現得好Cool，繼續大步向前行，而佢手上就拎住個「福茗堂茶莊」嘅紙袋。ifc裏面都有間同名嘅茶莊，唔知佢係咪啱啱Shopping完呢？