SUN世代:與設計師一拍即合

「如有雷同，實屬巧合」正好形容Bertrand與鞋履設計師Rupert Sanderson，原來二人的經歷非常相似，難怪一拍即合。Rupert為了追求理想，不惜放棄廣告業的高薪厚職，到Jimmy Choo等著名設計師出身的鞋履學院深造，更走訪意大利不同鞋廠，學習造鞋工藝，最後亦憑努力圓夢，成為世界知名設計師。

除了經歷相似，兩人同樣是完美主義者。Rupert堅持不斷改良鞋子的構造及設計，矢志製造最美麗和舒適的高跟鞋，而Bertrand則堅守「凡事要做到最好，不圓夢不放棄」的信念。Bertrand除了事業理想外，還有另一目標，就是希望在慈善多出點力。

助養兒童回饋社會

「以前喺LV同拍賣行做，啲客全部係有錢人，用百幾萬買個LV篋、千幾萬買隻古董錶，眼都唔眨！我發覺日日見到嘅根本唔係現實世界，有好多低下階層都忽略咗！」Bertrand一直有助養兒童，但仍希望貢獻更多：「生意上咗軌道後，會投放多啲時間，盡我能力回饋社會。」