王德輝龔如心夜歸電家傭接門

【本報訊】龔仁心與已故姐姐龔如心夫婦關係密切，透露姐夫首次被綁架獲釋後，夫婦二人「幾小心」，每次晚上歸家前都致電他，由他致電王家着傭人到路口接門，惟幾年後「可能厭煩咗、放鬆咗，冇呢件事啦，咁就變咗出咗事啦！」

龔王兩家是世交，龔仁心亦自小認識王德輝，從上海來港後亦每周與姐姐夫婦最少見面一次。龔指王首次被綁獲釋後，與姐晚上歸家都會致電給他，好讓「多一個人知佢返」，其後王再被綁架，龔仁心一直在姐姐身邊幫手尋人，並曾親自到內地及台灣協力聯絡，若有人有消息亦會直接到其診所聯絡他。

指陳振聰未盡父責「好可憐」

對與商人陳振聰爭產，他表示無奈，「我唔可以縮埋一邊」，認為自己有責任助姐姐「行完未完成嘅路」。被問及對陳振聰之感，他就指「我覺得佢好可憐，特別我覺得佢對佢細路好唔公道，佢冇盡到一個做老竇嘅責任！」他又指，「有關我姐姐啲嘢我都想攞番」，即使是陳手上的辮子，「如果真係佢嘅話我都要！」他希望他離世時家人「笑住送我上路」。