政情：李妮有機護膚生招牌
政情：李妮有機護膚生招牌
較早前一個下晝喺銅鑼灣時代廣場嘅大型超市撞到前亞姐冠軍、博愛醫院總理Lily李妮，見佢好專注咁喺一個護膚產品櫃位前同售貨員傾偈，又試用吓產品，原來佢巡緊舖。呢隻澳洲入口嘅有機護膚品，本來係佢朋友引入嘅，後來佢試用後覺得好好，於是就同朋友一齊做，啱晒依家貪靚女士追求有機護膚嘅潮流。
傾開有機生活，Lily話佢同媽媽都喺自己屋企種菜，有辣椒、苦瓜同葱等，食唔晒就送畀朋友一齊分甘同味。最近佢老公陳生喺西貢買咗塊地，佢正密謀預留空地種菜，到時菜園規模就更加壯觀啦！
李妮落舖巡視做生招牌。