政情：鄭志明推介K11豬扒店

周大福集團主席鄭裕彤嘅孫仔孫女已逐漸接班，長子鄭家純嘅次子Brian鄭志明舊年出任新創建執行董事後，對公司嘅業務愈嚟愈熟手，由佢打骰嘅股票投資更加斬獲豐厚。

Brian好支持哥哥Adrian鄭志剛一手一腳打造嘅尖沙咀藝術概念商場K11，經常去嗰度搵食買嘢，佢仲推介已有八十二年歷史嘅日本著名吉列豬扒專門店銀座梅林（Ginza Bairin），話鎮店之寶吉列豬扒好好味。

炮製靚吉列豬扒嘅秘訣係揀選一級材料，包括上等黑豚肉、自製麵包糠同頂級棉子油，令豬扒香脆但唔油膩，再配埋秘製甜醬汁，咁就美味滿分啦！

勁受歡迎嘅吉列豬扒定食盛惠百六蚊。銀座梅林提供圖片

鄭志明