政情：霍公子聞申亞唉聲嘆氣
政情：霍公子聞申亞唉聲嘆氣
政府計劃花逾四百億元申辦二○二三年亞運會，各界鬧爆嘥錢群起反對，結果被迫延長諮詢期，盡最後努力游說各界支持。
早幾日喺中環遮打道撞到港協暨奧委會會長霍震霆，問到申亞一事佢就唉聲嘆氣，反問記者有乜嘢好橋推銷就通知聲喎。
霍公子坦言，目前申亞成件事只有支持或反對，如果大家都支持，咪睇吓點樣跟進囉。如果市民反對嘅話，咁又點呢？佢笑笑口帶點無奈咁話：「I've done my best！（我已經盡己所能）」
霍公子話喺申亞件事上已經盡己所能。