葉劉尋日連走兩場，先出席灣仔舉行嘅工商界十．一酒會，再飛身去天后參加福建社團聯會新會址開幕儀式。雖然趕時間，但佢身上嘅煙花圖案中式上衣去到邊都咁突出。

女士出席正式場合，套裝好似係指定服裝，但外剛內柔嘅范太就同長褲拍硬檔，呢排十．一酒會繁多，好多女士都會揀番富中國特色嘅服裝配襯，所以葉劉件中式上衣啱晒dress code，連范太同黃太都要圍埋研究吓。

葉劉睇中咗上海灘呢件煙花衫好耐，但嫌要成三、四千蚊好貴，早排撞正減價至買，尋日第一日着。葉劉仲話佢哋三位女士研究過女士着衫啱場合之餘，舒適都好重要，而着褲都好莊重，唔使一定要着裙嘅。