雖然其士集團太子爺兼執行董事周維正平日斯文寡言，但做生意就手起刀落，非常果斷。早前佢以三億幾元嘅靚價，將一手一腳湊大嘅Pacific Coffee賣畀華潤創業，成為佢闖蕩商界嘅代表作。早前喺中華廠商會會員大會見到佢，梗係要問佢仲有冇幫襯Pacific Coffee啦，佢笑笑口好肯定咁話：「梗係有，我哋仲有兩成股權喎。」依家佢物色緊新嘅投資機會，包括礦業。後生仔果然有衝勁，又睇吓佢之後有乜新搞作。