電視廣播有限公司（TVB）及恒基兆業昨日分別證實正商討洽購股權事宜，面對公司隨時易主，TVB旗下多名藝人對公司發展充滿期望，盼節目質素可進一步提升，員工亦有人工加，並不擔心會影響士氣；部分藝人則對老闆邵逸夫（六叔）讚不絕口，相當念舊。
藝人陳法拉
「邵逸夫是我很敬重的人，沒有他，就沒有邵氏，沒有TVB，他的商業決定經歷多年來證明了他英明，有遠見，一直以來，他也對社會公益作出了巨大的貢獻，我會支持他的一切決定。」
藝人楊怡
「身為演員應該做好本分，有得加人工，最實際，最好年尾派花紅，yeah！（公司士氣有無改變？）公司個個都趕入廠，唔覺士氣有變化，電視行業將會進入新時代，多啲競爭者，大家多啲選擇，亦可以畀呢一行嘅從業員一個挑戰。」
藝人馬國明
「係咪收購就未知，對我哋小演員影響唔大，打工仔都係做好自己嘅嘢，如果真係嘅話，最好就加人工，福利要好啲，（唔捨得阿Sir？）都會㗎，自細就睇邵氏嘅戲，不過，呢啲係高層決定。」
歌手謝安琪
「我唔知喎！幾時嘅事呀？（有新股東入主可能「四大唱片」版稅糾紛有轉機？）希望大家和平共處啦。
無綫製作部總監何麗全
「呢啲應該問財經版。」（是否離開TVB），何麗全笑而不答，指下星期再回應。