呢條短片大約四分鐘，今次搵嚟歌手謝安琪御用監製周博賢、球壇名將李健和同平面設計師小丁，宣揚最低工資三十三蚊至可以畀打工仔一個有尊嚴嘅生活。段短片入面最激就係好鍾意裸體嘅小丁，佢一出場就先除衫，幾乎露點，批評臨資會唔幫打工仔反而幫商界，簡直係荒謬。

片尾小丁再度搶鏡，喺胸前貼上「33」貼紙，大聲呼籲市民支持最低工資要有三十三蚊，咁至可以改善貧富懸殊。段片雖然夠晒噱頭，但對宣傳三十三蚊時薪有冇幫助，真係見仁見智。