吳謦燃視陳淑莊為老闆，也是學習對象。他欣賞陳淑莊熱心助人，印象最深刻的是○八年立法會選舉，他做助選團，但期間要隨大學到美國交流一個月。「臨出發前，Tanya提議預支人工畀我，佢驚我過到美國唔夠錢用，當時我都幾感動，因為有好多人幫佢做嘢，冇諗過佢會記得我。」現在他修讀法律，Tanya有否「醒番幾招」？他笑笑口說：「佢都係叫我畀心機囉。」
說到最大嗜好，「獅子」與其他「麻甩仔」一樣首推睇波，愛隊是利物浦和西班牙，家裏收藏了四十多件波衫。唱歌和夾Band是他另一興趣，大學時更是聯合書院歌唱比賽冠軍，最「耍家」是唱陳奕迅的歌。
為何叫「獅子」？原來他小時候剷陸軍裝，樣子極像卡通片《忍者小靈精》內的獅子狗，「同學叫我獅子狗，叫叫吓就變咗獅子。」大學時，他有個校園電台節目，也取名《獅子有約》。現在他也為網上電台《香港人網》開咪，逢星期三晚主持時事節目。