22/07/2010

播放本新聞相關短片

Sun世代:南美之旅改寫人生

吳文遠身邊的朋友,不是banker(銀行家)便是consultant(顧問),盡是精英階層,他原本也以為將來會做金融才俊或商界CEO。不過,○三年一次南美之旅,將他的人生觀徹底改寫。他孭起背囊,獨自一人遊歷南美大半年,走遍所有國家:「南美國家普遍經濟差,生活不富裕,但當地人民生活得好開心,好容易滿足,對遊客非常友善,我試過一個人企喺車站等車,佢哋會主動同我傾偈,仲請我返屋企食飯。」

這些充滿人情味的故事,在發達的大都會永遠不會發生:「我開始諗,人生係咪一定要咁過?當時倫敦商學院收咗我讀MBA,同學開親口就係講點搵錢,我覺得好困局。」他毅然放棄這個人人稱羨的MBA學位,返回澳洲工作,又因工作關係往返內地,認識不少知識分子:「佢哋嘅公民意識其實比香港人更強,只係喺內地政治制度下,根本冇機會發聲。」

錢?夠食夠用就得啦

加入政黨後,接不到中資機構的生意,但他覺得無所謂,笑說:「錢,要搵幾多先叫做夠呢?夠食夠用就得啦。」