制服團體由○二年開始搞嘅「同心同根萬里行2010」，除咗○三年沙士之外，每年都會帶香港嘅學生去北京睇升旗，再同領導人見面學習國情，今年就由邊陳之娟擔任顧問同籌委會主席，「新金王」黃英豪同何超蕸就做正副團長，帶領香港青少年制服團體先去北京睇升旗，再去人民大會堂同領導人見面，然後轉飛上海睇世博，跟手再過杭州，節目相當豐富。
平時忙到飛起嘅新金王，向來支持青年事務，所以今次出任團長，佢唔單止要放低工作帶團出發，仲捐咗二十萬做經費。好多人都知新金王最叻管理時間，所以仲係「年紀輕輕」嘅佢，已經有四個仔女，喺華盛頓Georgetown大學讀書嘅大女仲會喺今年戴四方帽添！所以幾忙都好，新金王點都要抽空出席囡囡嘅大日子，之後仲會一家人去夏威夷享受陽光海灘。