葉楚茵剛當選學聯秘書長，上一任正是近期的熱爆新聞人物周澄，外界難免拿二人比較，她卻無意像周澄一樣參選從政。「我覺得學生唔應該加入政黨或者參選從政，外界之所以肯聽學生發言，就係因為學生呢個身份夠純潔，入咗政黨，甚至出來參選，成件事可能會畀人話有政治目的、被政黨操縱。」將來她打算投身教育界，將民主意識灌輸給下一代。
葉楚茵和其他少女一樣喜歡買衫扮靚，最迷《談情說案》的林峯：「林峯好靚仔，劇入面乜都識，又有智慧，perfect！」她特別喜歡卡通公仔「鬆弛熊」，翻開手袋已見有熊仔雨傘、筆、簿等。
掀開粉紅色手提電腦，「桌布」盡是和男朋友的甜蜜合照。她甜絲絲說：「男朋友都係學聯常委，係搞活動嗰陣識嘅，佢讀城大，畢咗業啦。」對着男朋友，自己便會變成小鳥依人。