20/07/2010

播放本新聞相關短片

政情：四太爆燊哥日日扭計

何鴻燊四太梁安琪近排好頻撲，連飲杯咖啡都好唔得閒。日前午後四點幾，喺中環一間咖啡廳見到佢，原來佢唔係歎緊悠閒下午茶，而係聚精會神睇文件。期間時不時有同事前來，四太吩咐兩句後就離開，咖啡廳變咗臨時私人辦公室咁。

記者上前同四太打招呼，佢呻話近排好忙，淨係上海都去咗三次。佢又透露燊哥同LVMH集團合作嘅上海LV大廈已經奠基。燊哥見佢成日飛，又扭計話要出街。四太笑謂，佢日日都話要出街，又話要去旅行，坐唔定㗎！