政府嘅青年政策做成點？睇吓班「80後憤青」點樣批判政府就一清二楚。話說福建社團聯會青年委員會搞咗個座談會，安排咗民政事務局副局長許曉暉同香港青年協會總幹事嚟發表意見。後生一輩果然觸覺敏銳，座談會主持人、香港菁英會副主席洪為民，劈頭就畀出一條有關「80後」、「90後」社會現象嘅題目，希望佢哋分析青年政策。嗱！咁到肉，冇得側側膊嘞啩！點知考起咗許副局添！
許副局發言時只係不斷重複話政府好重視同年輕人溝通，不時有交流會，依家仲進步到識用社交網站同大家傾偈等等。
喂！「播帶」咩！重複又重複嘅答案真係令人討厭，官場又多個「新人肉錄音機」嘞。
