20/07/2010

播放本新聞相關短片

楊哲安拖「老虎乸」晒恩愛

政府正在評核緊副局長同政治助理嘅表現，決定加薪定減薪，但教育局政治助理Jeremy楊哲安似乎唔多在意，早幾日仲撞見佢同明星太太張燊悅拍拖，沿中環威靈頓街漫步行向置地廣場。佗住八個月嘅張燊悅睇嚟重咗二十磅左右，難掩一雙「肉臂」。威靈頓街條斜路有啲暗斜，Jeremy怕太太辛苦主動拎手袋，夠晒Sweet。

張燊悅精神唔錯，見佢件衫胸前印住隻生猛嘅老虎，好似想話畀全世界聽，佢腹中塊肉都係隻老虎仔/女！尋日致電Jeremy，問佢呢胎係仔定女？佢話已經知道答案，但唔話畀記者聽！

為應屆會考生打打氣，請瀏覽on.cc《放榜無限分2010》專輯