近期鼠輩又橫行香江，發生多宗老鼠咬人事件，鼠王芬亦乘勢出動，稍後會再聯絡內地捕鼠專家來港捉鼠，尋日就派住《滅鼠天書》先，教商販滅鼠四十八式，一口氣跑勻深水埗北河街街市、保安道街市同紅磡街市派書。呢本天書係佢自掏腰包印製，仲印咗四千本添㗎！

鼠王芬狠批政府冇提供二十四小時收鼠服務，街坊捉到老鼠都唔知點處理；仲有，政府捉鼠嚟嚟去去得三招：落老鼠藥、培訓員工同口口聲聲話要提高社區滅鼠意識，人哋廣州就手法靈活得多。